Паэт з Вілейкі

Паэт , бард Уладзімір Цанунін жыве ў Вілейцы. Удзельнічае ў мясцовым літаб'яднанні «Натхненне». Друкаваўся ў чатырох зборніках аб'яднання. Пятнаццаць гадоў уваходзіць у Народны калектыў аўтарскай песні «Элегія».

У Саюзе пісьменнікаў Беларусі» з 2014 г. Мае паэтычныя зборнікі: «У струменях часу», «Хто ж адкажа», «Зачараваная чаромха», «Пушчанскія галасы». Зараз рыхтуе да выдання зборнік гумарыстычных вершаў і анекдотаў «Люстэрка». Чакаем пытанняў да Уладзіміра.

Сустрэча з Людмілай Хейдаравай

Людміла Хейдарава (Паўлікава)- член Саюза пісьменнікаў СССР з 1985 г.

Дэбютавала вершамі ў 1980 г. (часопіс «Маладосць»). Аўтар зборнікаў паэзіі «Адведзіны рамонкавай паляны» (1985), «Тваё святло» (1988), драматычнай паэмы «Можна і Нельга» (1987) і філасофска-драматычнай паэмы-казкі «Можна i Нельга» (1988) — усе выйшлі пад псеўданімам Людміла Паўлікава, з 1989 г. выступае пад прозвішчам Хейдарава — зборнікі паэзіі «Купанне ў росах» (1993), «Плач па анёлу» (2004), кніга апавяданняў «Дарт» (2002), філасофская кніга іцзін-секстэтаў «Вечаровае веча» (2009, фрагменты ў час. «Маладосць»). У перыядычным друку — зборнік «Дзень паэзіі», часопісы «Полымя», «Вожык», «Работніца і сялянка», рэспубліканскіх газетах публікуе апавяданні, навелы.

У паэтычных творах філасофскі роздум, гісторыка-патрыятычная i любоўная лірыка, тэмы прыроды i вытокаў чалавечага духу. У празаічных творах аўтарскай пазіцыі ўласціва дабрадушная іронія.

Пераклала з рускай на беларускую асобныя творы Г. Ахматавай, М. Валошына, М. Лермантава, Б. Пастэрнака, М. Цвятаевай, В. Мандэльштама, з украінскай творы сучасных паэтаў. Піша таксама і гумарыстычныя творы , пародыі .

Чакае вашых пытанняў , на якія адкажа ў час перадачы.

Паэтка , кампазітар , выканаўца

Паэтэса і кампазітар Таццяна Атрошанка плённа працуе ў жанры песні .Сама творца часта выконвае іх на канцэртах у родным Маладзечна , запісвае іх у студыі.

Яе творы выконваюць таксама Ірына Дарафеева, Беларускі дзяржаўны ансамбль народнай музыкі “Свята”, Аляксандр Салаўёў, салісты Нацыянальнага цэнтра музычных мастацтваў імя Уладзіміра Мулявіна, творчыя калектывы Палаца культуры горада Маладзечна і іншыя.

Таццяна Атрошанка – сябра Саюза пісьменнікаў Беларусі, паэтэса, кампазітар, выканаўца, кіраўнік літаратурнага аб’яднання “Агмень”.Яна – чарговы госць нашай праграмы. Чакаем пытанняў да Таццяны.

Таццяна Барадуля—лірык і парадыст

Не так часта ў адной асобе спалучаюцца тонкі лірык і іранічны парадыст . Асабліва , калі гэта жанчына. Таццяна Барадуля – Будовіч скончыла школу № 154 у 1994 годзе. У 1998 г. скончыла Інстытут сучасных ведаў па спецыяльнасці «фінансы і крэдыт». У 2005 г. завочна скончыла гістарычны факультэт Беларускага дзяржаўнага ўніверсітэта. Працавала ў філіяле музея Максіма Багдановіча «Беларуская хатка», у Інстытуце гісторыі НАН Беларусі, цяпер — навуковы супрацоўнік Дзяржаўнага літаратурнага музея імя Максіма Багдановіча. Мае 3-ці спартыўны разрад па альпінізму і парашутным спорце. Замужам. Гадуе двух сыноў.

Першая вершаваная публікацыя з'явілася ў 1995 г. у часопісе «Першацвет». Падборкі яе вершаў друкаваліся ў часопісах «Маладосць», «Полымя», «Бярозка», газетах «Літаратура і мастацтва», «Чырвоная змена», «Наша ніва» і інш. У 2002 г. у выдавецтве «Беларускі кнігазбор» выйшла яе кніга паэзіі «Дуэль паглядаў». Літаратурна-крытычныя артыкулы і рэцэнзіі неаднаразова друкаваліся ў газеце «Новы час» (дадатак «Літаратурная Беларусь»). Зрэдку піша і друкуе пародыі (пад псеўданімам Тадора Шпілька) на сучасных беларускіх паэтаў. Вершы Таццяны Будовіч тонка пачуццёвыя, вытанчаныя, а часам і філасафічныя, (сама)іранічныя, у іх нярэдка гучыць голас сур'ёзнага перажывання, адчуваецца ўсведамленне стваральнага і разбуральнага патэнцыялу кахання.

Пытанняў , думаю ў вас будзе нямала.

Юрась Нераток

Калі вы пачнеце шукаць у розных даведніках , хто такі Юрась Нераток , даведаецеся , што ён жа і Юлаў , і Гарбачоў.Менавіта Юрый Гарбачоў -- сапраўднае прозвішча пісьменніка, а два другіх -- псеўданімы. Прычым, пад адным хаваецца празаік , а пад іншым -- паэт , парадыст , гумарыст.
Менавіта з паэтам і парадыстам Юрасём Нератком мы і будзем гутарыць у адной з бліжэйшых праграм .
Чакаем пытанні да Юрася Нератка! 

У суботу ў гасцях "Дыяблогу" была паэтэса Ірына Багдановіч

Усе выпускі праграмы шукайце ТУТ

Паэт , празаік , бард Анатоль Кудласевіч

Анатоль Кудласевіч нарадзіўся 5 верасня 1961 г. у вёсцы Толмачава Столінскага раёна. Скончыў Кароціцкую СШ, Пінскі сельскагаспадарчы тэхнікум, Літаратурны інстытут імя А. М. Горкага (Масква). Служыў пад Ніжнім Ноўгарадам і ў Закаўказзі.

Працаваў ветфельчарам, ветаператарам, слесарам, цесляром-бетоншчыкам, зборшчыкам радыёапаратуры, карэспандэнтам-арганізатарам, журналістам на тэлебачанні і радыё.

У 1993 г. выйшла першая кніжка вершаў і пародый «Плакун-трава», у 1999 г. — зборнік вершаў «Зорныя ноты» («Бібліятэчка часопіса «Маладосць»),зборнік прозы "Пераход" (выдавецтва "Мастацкая літаратура, 2013 г.), і зборнік прозы "Трынаццаць дзён" (выдавецтва "Галіяфы", 2014 г.)
 Укладальнік «Анталогіі беларускай эпітафіі» (выдавецтва «Ўраджай», 2000 г.) і «Анталогіі беларускай пародыі» («Ураджай», 2001 г.).

Вершы і проза таксама друкаваліся ў беларускіх выданнях, у Расійскай федэрацыі і ва Ўкраіне. Шмат якія вершаваныя тэксты існуюць у выглядзе аўтарскіх песень.

Задавайце , калі ласка пытанні Анатолю.