У суботу ў гасцях "Дыяблогу" была паэтэса Ірына Багдановіч

Усе выпускі праграмы шукайце ТУТ

Адпавядаць славутаму прозвішчу

  

Ірына Багдановіч
   Далёка не кожны творца асмеліўся б паставіць пад сваім творамі не псеўданім , а прозвішча , якое нагадвае нам класіка беларускай літаратуры.Ірына ж не стала хавацца за псеўданімам, а падпісвае свае вершы сваім уласным прозвішчам, якое супадае з прозвішчам класіка.

   Нарадзілася Ірына 30 красавіка 1956 года ў горадзе Лідзе Гарадзенскай вобласці ў сям'і служачых. Скончыла гісторыка-філалагічны факультэт Гомельскага дзяржаўнага ўніверсітэта (1978), аспірантуру пры Інстытуце літаратуры імя Янкі Купалы АН БССР (1983). З 1983 г. - навуковы супрацоўнік гэтага інстытута. Кандыдат філалагічных навук. Сябра СП СССР з 1989 г.

   Друкуецца з 1973 г. Аўтар зборнікаў паэзіі «Чаравікі маленства» , «Фрэскі» і іншых. Выступае і як крытык, літаратуразнавец. У 1989 г. выйшла манаграфія «Янка Купала і рамантызм». Ірына Эрнэстаўна выкладае на філфаку БДУ , выхоўвае будучых настаўнікаў беларускай літаратуры.Думаецца , цікава будзе пазнаёміцца не толькі з пародыямі на вершы Ірыны , з лепшымі яе творамі , але і з яе гумарыстычнымі і дасціпнымі назіраннямі за непрыдуманымі шэдэўрамі са студэнцкага фальклору .

   Чакаем вашых пытанняў.