Дыя@блог

  
Тэлеканал “Беларусь 3” пашырае межы праекта “Дыя@блог”. У новым сезоне да гутаркі пра мову, літаратуру, прыгожае і вечнае далучыцца размова пра паэзію – “Дыя@блог P.S.

   У новай праграме “Беларусь 3” пазнаёміць з беларускімі паэтамі і іх творамі. Дыялог паміж майстрамі пяра чакае гледачоў кожную суботу. Вядучыя праграмы паэт Навум Гальпяровіч і сатырык Анатоль Зэкаў разам з гасцямі-паэтамі разважаюць пра беларускую літаратуру жартам і ўсур’ёз. Чаму праграма атрымала постфікс P.S.? Растлумачыць гэту назву можна па-рознаму.

   З аднаго боку, P.S. азначае дзень выхаду праграмы ў эфір – “па суботах”. З другога боку, стваральнікі праекта расшыфроўваюць P.S. як “паэт і сатырык”, то бок Навум Гальпяровіч – паэт, а яго сувядучы Анатоль Зэкаў – сатырык.

   Праграмы напоўнены пародыямі, рэмінісцэнцыямі і іншымі фрагментамі сатырычнага і паэтычнага жыцця. Як і ў іншых “Дыя@блогах”, гледачы могуць ўдзельнічаць у стварэнні перадачы. У аснове праграмы – інтэрактыў праз інтэрнэт-блогі. Усе пытанні і каментарыі, якія дасылаюцца на блог вядучых, будуць агучаны падчас эфіру.

   Нарыканцы праграмы Наум Гальперовіч падводзіць вынікі бяседы, а Анатоль Зэкаў зачытвае напісаную ім пародыю на верш паэта.

Усе выпускі праграмы “Дыя@блог P.S.” глядзіце ТУТ

Комментариев нет :

Отправить комментарий