Заўтра ў гасцях "Дыя@блогу" - Анатоль Ярмоленка. Глядзіце нас у 09.25 і 22.05.

Памятаю імклівы ўзлёт "Песняроў". "Касіў Ясь канюшыну", "Алеся", "Александрына", "Ты мне вясною прыснілася", "Завушніцы". А "Сябры"? "Полька беларуская", "А я лягу-прылягу", "Каханая"...  

Гэтыя песні спявалі не толькі ў Беларусі. Мае многія знаёмыя ў час маіх вандровак у Маскву, Таджыкістан, Цюмень, даведаўшыся, што я з Беларусі, прасілі праспяваць менавіта гэтыя песні, і ціхенька падцягвалі, нягледзячы на нязвыклыя ім беларускія словы. А колькі цудоўных песень на вершы беларускіх паэтаў стварылі кампазітары Ігар Лучанок, Леанід Захлеўны, Эдуард Ханок, Валерый Іваноў!..

А ў беларускамоўнай ?..

  "Цяпер вельмі актуальная рэч у рускамоўнай музыцы – “зарыфмаванае шматзначнае трызненне", -- так заявіў карэспандэнту адной з цэнтральных беларускіх газет папулярны мясцовы спявак і тэлевядучы Георгій Калдун. Вядома ж, на рускай мове. Далей карэспандэнт высветліла, што Жора (менавіта так яна яго называла ), у захапленні ад Ірценьева і Губермана , а ўвогуле ў паэзіі не вялікі эстэт. Ні разу не прагучалі ў вялізным на газетную старонку інтэрв’ю словы "Мінск", "Беларусь", і каб не выхадныя дадзеныя газеты, цяжка было б зразумець, дзе гэтая размова адбываецца.

  Скажу шчыра, я не вялікі прыхільнік гэтага творцы, але ўпаўне дапускаю, што ён мае сваіх паклоннікаў, якім падабаецца і як спявак, і як тэлевядучы. Здівіла мяне, што ні слова не сказаў артыст пра беларускую песню, якая мае і багатую спадчыну, і нямала прыхільнікаў. Узгадаць, хаця б, творчасць "Песняроў", якія з беларускамоўным у асноўным рэпертуары , былі аднымі з папулярнейшых выканаўцаў далёка за межамі Беларусі.