Хутка ў "Дыяблогу" Міхась Пазнякоў

  

   Міхась Пазнякоў нарадзіўся ў вёсцы Заброддзе Быхаўскага раёна ў сялянскай сям"і. У 1977 скончыў філалагічны факультэт БДУ. Яшчэ ў студэнцкія гады распачаў свой працоўны шлях як рабочы на Мінскім заводзе шасцерняў, пазней настаўнічаў у Бярэзінскім раёне і ў Мінску. Адразу ж па заканчэнні філалагічнага факультэта БДУ Міхаіл Паўлавіч ўступае ў складаны, але і прыцягальны свет навуковых даследаванняў, плёнам якіх сталі не толькі шматлікія навуковыя артыкулы, але і вялікі, грунтоўна падрыхтаваны “Слоўнік беларускай літаратурнай мовы”.

Васіль Жуковіч - бліжэйшы госць "Дыяблогу"

   Васіля Жуковіча ад пачатку былі пакручастымі. Нарадзіўшыся напярэдадні пякельнай бойні, 7 лістапада 1940 года, рана страціўшы родных (бацька і брат былі рэпрэсаваны, заўчасна памерла маці), паэт не зламаўся, працярэбіў сцежку ў літаратуру.

Жыццёвыя шляхі

   Сялянская працавітасць, спадчынная зацятая настойлівасць і безумоўны талент сталі падмуркам будучых літаратурных поспехаў, якія акрэсліліся перадусім у кнігах высокамастацкай паэзіі, прозы і нават драматургіі. Лік выданняў аўтарства Васіля Жуковіча ідзе на дзесяткі. Шырыня творчага дыяпазону ўражвае. Зусім нядаўна ўбачыў свет дыск з песнямі на яго словы. Варта адзначыць добры плён на ніве дзіцячай літаратуры. Гэта ж удаецца далёка не кожнаму і сведчыць пра асаблівую адоранасць творцы. А найбольш гучна Васіль Жуковіч праявіў сябе ў плыні лірыкі, якую прынята называць грамадзянскай.Вядомы паэт і як аўтар шматлікіх гумарэсак , пародый , эпіграм . Яны вызначаюцца высокім густам , дасціпным гумарам , дабразычлівасцю.

   Чакаем пытанняў да нашага госця !

Давайце камунікаваць!

Дарагія сябры ! Вы можаце задаваць пытанні нам з Анатолем , звязаныя з тымі пытаннямі , якія мы разглядаем падчас нашых праграм , а таксама дасылаць і свае карацелькі : эпіграмы , пародыі , роздум пра сучасную беларускую літаратуру. Самае цікавае ўвойдзе ў нашы праграмы.