Вялікую цікавасць у прыхільнікаў нацыянальнага музычнага мастацтва выклікала прэм'ера оперы кампазітара Алега Залётнева на лібрэта Сяргея Макарэя, прэм’ера якой адбылася ў Маладзечне 12 снежня. І не толькі таму, што галоўны герой пастаноўкі — вядомы наш зямляк Міхал Клеафас Агінскі, а таму, што ўсё дзеянне спектакля адбываецца на беларускай мове. Не сакрэт, што ў рэпертуары нашых музычных тэатраў і на эстрадзе апошнім часам родная мова, мякка кажучы, не вельмі часты госць.
