Хутка у гасцях "Дыяблогу" - Уладзімір МАЗГО

  

Уладзімір МАЗГО – прыкметная фігура ў сучаснай беларускай літаратуры і літаратурным працэсе. Піша вершы і прозу. Аўтар зборнікаў паэзіі «Пад спеў крыніц», «Вершаліна», «Марафон», «Анёл нябёсны», кніг для дзяцей «Калі спрачаюцца маланкі», «Суседзі па сусвеце», «Смехапад», «Таямнічая планета» і іншых.

   Актыўна друкуецца ў айчынных выданнях, працуе намеснікам галоўнага рэдактара часопіса «Нёман», часта выступае ў бібліятэках перад дзіцячай аўдыторыяй, дзе ён заўсёды жаданы госць. Уладзімір Мазго – лаўрэат прэміі Федэрацыі прафсаюзаў Беларусі ў галіне літаратуры, Літаратурнай прэміі імя Васіля Віткі, выдатнік друку Беларусі. Да гэтых рэгалій дабавілася яшчэ адна: па выніках рэспубліканскага конкурсу «Лепшы твор 2008 года», які супольна праводзяць Саюз пісьменнікаў Беларусі, міністэрствы інфармацыі, адукацыі і культуры і Мінгарвыканкам, кнізе Уладзіміра Мазго «Цуда-вуда» («Мастацкая літаратура», 2008) аддадзена першае месца ў намінацыі «Дзіцячая літаратура».

   Актыўна працуе Уладзімір і ў галіне гумарыстычнай літаратуры. Ён аўтар шматлікіх пародый , эпіграм , тэкстаў жартоўных песень. Аўтар і мы , вядучыя “ Дыя@блогу P. S.” чакаем вашых пытанняў.