Заўтра мы гаворым пра беларускамоўную рэкламу. У гасцях "Дыяблогу" - Алена Макоўская. Глядзіце нас у 10.30 і 22.00

Адну з бліжэйшых праграм мы мяркуем прысвяціць беларускамоўнай рэкламе, прынамсі, штогадоваму фестывалю, бо, як сведчаць арганізатары, сёлетні юбілейны фестываль беларускамоўнай рэкламы AD.NAK!  стаўся пэўным падсумаваннем тэндэнцый адносна ўжывання беларускай мовы ў сферы бізнесу і маркетынгу. Тут, па словах арганізатараў, важна данесці да прадстаўнікоў бізнесу, што сваё, беларускае — гэта не толькі цікава і карысна, але і выгадна.

Як паведамляе прэса і электронныя сродкі інфармацыі, кіраўнік праекта Marketing.by і суарганізатар АD.NAK! Сяргей Скараход на прэс-канферэнцыі, прысвечанай падзеі, парадаваў сваёй выдатнай беларускай мовай. Працу пераможцы ў конкурсе «АD.NAK! супраць Drugs» па папярэдняй дамоўленасці гатовае ўхваліць Міністэрства гандлю Беларусі для размяшчэння на бігбордах і плакатах. Яшчэ адзін конкурс завецца «Здзіві турыста» і ладзіцца разам з кампаніяй — вытворцам сувеніраў Universal Press.

Начальнік аддзела кіравання брэндам кампаніі velcom Зміцер Курловіч таксама выдатна размаўляе па-беларуску і разумее, што рэклама на сваёй мове прыносіць плён. Пра ўсё гэта і ўвогуле пра ролю беларускай мовы ў сучаснай рэкламе мы будзем гаварыць з адным з каардынатараў праекта  кіраўніком згуртаваня беларусаў свету “ Бацькаўшчына”  Аленай Макоўскай.

Чакаем вашых пытанняў!